අවුරුද්දකට එක පාරක් එන දවස්

අවුරුද්දකට එක පාරක් එන දවස් වලට මිනිස්සු කැමතියි.සමහර විට තමන්ට නිවාඩුවක් ලැබෙනවා,සමහරුන්ට සල්ලි ලැබෙනවා මෙ නිසා විවිධ අය විවිධ විවිධ අයුරින් මෙ දවස් වලට කැමතියි.

වෙසක් කියන්නේ මෙ දවස් වලින් තරමක් විශේෂ දවසක්.මෙ විශේෂත්වයත් සමහරුන්ට විතරයි.කොහොම උනත් විශේෂයක් නැති මනුස්සයෙක්ට උනත් යම් වෙනසක් මෙ දවසට අනිත් දවස් වලට වගේම දැනෙනවා කියල මම හිතනවා.

වෙසක් දවසට පන්සල් යනවා බොහෝ අය.ඒත් එදාටවත් පන්සලේ නියම විදියට කටයුතු වෙනවද?නියම අයුරින් කටයුතු කරනවද?මේක තරමක් ප්‍රශ්නයක්.

සමහර පන්සල් වල බුදු ගේ වල් වැදිලා,නැත්නම් යන්තන මලක් පහනක් තියෙන යන්තන් එලිය වැටුන තැනක්.මිනිස්සුත් නැ.මිනිහෙක් ආපුගමන් මලක් තියල හනිකට දුවනවා දේවාලෙට.පන්සලට එන්නේ දේවාලෙට යන්න.හ්ම්ම්ම්..........

දේවාලේ නම් කැටයන් දාල මල් තියලා ලයිට් දාල.බුදු හාමුදුරුවන්ට යන්තන් පොල්තෙල් පහනක් දෙකක් පත්තුකරලා.

මේවා ඉතින් දෙයියන්ටම තමයි කියන්න ඕන.ඡන්දයක් කාලෙට පන්සලට එන ඊනියා ජන නායකයොත් බොහෝවිට ඉහත කිව්ව විදියම තමා.පන්සලට ඇවිත් ඉන්න කාලෙන් වැඩි කොටසක් දෙයියොත් එක්ක.

මේවට වගකියන්න ඕන කවුද ඉතින් ????..........

කවුද ඉතින්,අපිම තමා...මෙ පෙන්නේ අපේ මෝඩකම....අපි සත්‍යය දන්නේ නැ.මිතයාව කියන කළු දුමක් අස්සේ අපි හිරවෙලා.

දුම් ගොඩකට අහුඋනාම “කවුද බන් මෙ දුම පත්තුකළේ?”කියල හොයන්න කලින් අපි ඒ දුම් ගොඩෙන් එලියට එනවා නේද?...එහෙම දුම අස්සේ ඉඳගෙන අපිට පත්තු කරපු එකා තියා දුම එන තැනවත් හරියට හොයාගන්න බෑ.එහෙම දුම අස්සේ ඉඳන් පත්තු කරපු එකා හොයන එක අර පුංචිකාලේ කුඹි කෑවම කුඹි ගොඩේම ඉඳගෙන කහ කහ ඉන්නවා වගේ වැඩක්.(ඒ මමලු හොඳේ.)

ඉතින් ඔය මිත්‍යාව කියන කළු දුමෙන් එලියට එන්න ඕන ඉස්සෙල්ලම.

සත්‍ය දැනගන්න ඉස්සෙල්ලම.ඒවා කල්පනාකරලා අවබෝධ කරගන්න.

වැඩි විස්තර »

ප්‍රත්‍යාවර්ථ ධාරාව/වෝල්ටීයතාවය

ප්‍රත්‍යාවර්ථ ධාරාවකදී කාලයත් සමග ධාරාවේ දිශාව වෙනස් වන බව දැන් ඔබ දනියි.එනිසා මෙහිදී ඒකක කාලයකදී කෙතරම් දිශාව මාරුවන අවස්ථා ඇත්ද,ධාරාවේ විශාලත්වය වෙනස් වනුයේ කෙසේද ආදිය ගැන අධ්‍යනය කරනු ලබයි.

මම කලින් විස්තර කරා AC හා DC වෝල්ටීයතා/ධාරා ගැන.AC තරමක් වැඩි කරුණු ප්‍රමාණයක් සහිතව විස්තර වෙනවා.දැන් බලමු AC ගැන.

මම කිව්වා AC වලදී කාලයත් සමග ඉලෙක්ට්‍රොන ගලන දිශාව වෙනස් වෙනවා,එ කියන්නේ ධාරාවේ දිශාව කාලයත් සමග වෙනස් වෙනවා කියලා.එ වගේම ධාරාවේ හෝ වොල්ටියතාවයේ ප්‍රමාණය/විශාලත්වයත් වෙනස් වෙනවා කියල කිව්වා.

AC ගැන අධ්‍යනය කරනවා කියන්නේ මෙ වෙනස්වීම් අධ්‍යනය කිරීම.

අපි සාමාන්‍යයෙන් AC Wave එකක් කියලා අධ්‍යනය කරන්නේ සයිනාකාර තරංගයක්.ඉතින් අපි දැන් සයිනාකාර තරංගයක විස්තර විමසාබලමු.

මෙ දක්වලා තියෙන්නේ සයිනාකාර තරංගයක්.මෙහි X අක්ෂයට කළා කෝණය(පසුව පැහැදිලි වේවි) ද,Y අක්ෂයට වොල්ටියතාවද අරගෙන තියෙනවා.

දැන් මෙ තරංගයේ කළා කෝණය 0 වෙලාවේදී වොල්ටියතාවයත් 0යි කියල පෙනෙනවා ඇති.කළා කෝණය π/2( = අංශක 90) දී ධන උපරිම අගයට ඇවිල්ලා තියෙනවා.මෙ ධන උපරිම අගය +V_p කියල හඳුන්වනවා.නැවත +V_p  සිට 0 දක්වා අඩු වෙලා තියෙනවා.දැන් කළා කෝණය π (= අංශක 180) වෙලා.ඊළඟට 0 සිට -V_p දක්වා අඩුවීමක් වෙලා.මෙ අඩු වීමටත් අංශක 90ක් මෙසේ තියෙන වැඩිවීම් සහ අඩුවීම් සිද්දවෙලා තියෙන්නේ සයිනාකාරව නිසා මේ තරංගය සයිනාකාර යැයි කියනු ලබයි.

ඕනෑම අවස්ථාවකදී තරංගයේ විශාලත්වය.( Instantaneous Value)

V=Vmax . Sinθ ලෙස දැක්විය හැකිය.

V=සලකන අවස්ථාවේ(කළා කෝණය θ විටදී) අගය

Vmax=උපරිම අගය=Vp

Sinθ=කළා කෝණයේ සයින් අගය

මෙ අගයන් විශේෂ අවස්ථාවන් සඳහා පහත පරිදි දැක්විය හැකිය.

කළා කෝණය(θ)		Sinθ	වෝල්ටීයතාවය
අංශක	රේඩියන්
0	0	0	0
30	π/6	0.5	+Vmax*50%
45	π/4	0.707	+Vmax*70.7%
60	π/3	0.866	+Vmax*86.6%
90	π/2	1	+Vmax
180	π	0	0
270	3 π/2	-1	- Vmax
360	2 π	0	0

ඒකක කාලයකදී(තත්පරයකට) ධාරාවේ/වොල්ටියතාවයේ සිදුවන දිශා මාරුවීම් ගණන.(සංඛ්‍යාතය)

මෙය සංඛ්‍යාතය(Frequency) ලෙස හඳුන්වයි.මෙය f ලෙස සංකේතවත් කරයි.තත්පරයකට සිදුවන දිශා මාරුවීම් ගණන,අපි දර්ශීය ප්‍රත්‍යාවර්ථ තරංග රටාව ලෙස ගනු ලබන සයින් ආකාර සමග බැලූ විට අපිට සංඛ්‍යාතය යන්න තත්පරයකට ඇතිවන චක්‍ර ගණන ලෙසද හැඳින්විය හැකිය.එක චක්‍රයක් අපි ප්‍රස්තාරයක මෙලෙස දක්වමු.

මෙවැනි ප්‍රස්තාරයක දක්වනුයේ කාලය හෝ කළා කෝණය සමග Instantaneous Value හි සිදුවූ වෙනස්වීමය.

මෙම චක්‍රය එක් වටයකි.එනම් අංශක 360 කී.එය 2π ලෙස රේඩියන් වලින් දැක්විය හැකිය.එලෙසම අංශක 90 = π/2 ආදී ලෙස වේ.

මෙලෙස තත්පර එකකදී එක චක්‍රයක් (එක් දිශා මාරු වීමක්) සිදුවේනම් එය 1Hz/1S^-1 ලෙස සංකේත කරයි.

Hz යනු සංඛ්‍යාතය මනිනු ලබන SIU වේ.තත්පරයකට හෝ ඒකක කාලයකදී සිදුවන චක්‍ර ගණන ලෙස කියවිය හැකිය.

සාමාන්‍යයෙන් ලංකාවේ FM තරංග සම්ප්‍රේෂණය කරන වාහක තරංගය 88-108MHz පමණ වේ.අපිට කනට ඇසෙන සංඛ්‍යාත පරාසය 20Hz-20KHz වේ.

එක දිශා මාරුවිමකට ගතවන කාලය.(ආවර්ත කාලය)

එක දිශා මාරුවීමක් ප්‍රස්ථාරයේ එක චක්‍රයක් ලෙසින් දක්වයි.මෙ චක්‍රයට ගතවන කාලය ධාරාවේ එක දිශා මාරුවකට ගතවන කාලයට අනුරුප වේ,

මෙය සංඛයතයට පරස්පර වේ.මෙය ආවර්ත කාලය(T) ලෙස හඳුන්වයි.

පෙර සඳහන් කරන ලද සංඛ්‍යාතය යනු තත්පර එකකට ඇතිවන චක්‍ර ගණන නම්,එක චක්‍රයකට ගතවන කාලය අපට අදාළ තත්පරය ,අදාළ තත්පරය තුළ සිදුවුන චක්‍ර ගණනින් බෙදීමෙන් ලැබේ.

තත්පයකට ඇතිවූ චක්‍ර ගණන = සංඛ්‍යාතය = f

ආවර්ත කාලය = එක දිශා මාරුවකට ගතවන කාලය = T

T=1/f : S (තත්පර වලින් ලැබේ.)

උදාහරණයක් ලෙස, 20kHz තරංගයක ආවර්ත කාලය (T) = 1/(20*10³) = 5*10^-5 S = 50 µS

උච්ච අගය(Peak Value)

සයිනාකාර හෝ කුමන ආකාරයක තරංගයක උපරිම අගය මෙලෙස හඳුන්වයි.මෙහි V_P ලෙස දක්වා ඇත.මෙසේ ධන සහ ඍන ලෙස උපරිම දෙකක් ඇත.මෙම උපරිම දෙක අතර අගය V_PP (Peak to Peak Value)ලෙස හඳුන්වයි.

වර්ග මධ්‍යනය මූල අගය(Root Mean Square Value)

සලකනු ලබන AC තරංගය මගින් ඇතිකරන ජවය ලබාදීමට සමත් DC අගය මෙලෙස හඳුන්වයි.සඵල අගය ලෙසද හැඳින්විය හැකිය.

මෙ අගය ගණිතානුකුලව ලබාගෙන ඇත.එය,

V_rms=V_p/√2  හෝ V_rms=V_p*0.707වේ.(1/√2=0.707)

මෙම අගය AC තරංගයක වැදගත් අගයක් ලෙස සලකයි.වෝල්ට් මීටරයකින් වෝල්ටීයතාවයක් මැනීමේදී එම මීටරය ප්‍රතිචාර දක්වනුයේ මෙම RMS අගයට වේ.

නිවසකට ලැබෙන 230V යනු ලැබෙන AC විදුලියේ RMS හෙවත් සඵල අගයයි.නමුත් නිවසට ලැබෙන විදුලියේ අවම සහ උපරිම අගයක් ඇත.අවමය 0 වේ.ඉහත සමීකරණය මගින් ලැබෙන උපරිම අගය ගණනය කල හැකිය.

උපරිම අගය=Vp=Vrms*√2 = 230*√2 =325.27V

නිවසට ලැබෙන ප්‍රධාන විදුලියෙන් ක්‍රියාකරන රිචාජබල් ටෝච්,පරිගණක ආදියේ ජව සැපයුම් අධියරවල්(PSU) වල යොදනුලබන සමහර ඉලෙක්ට්‍රොනික උපාංග මෙම 325.27V අගයට වඩා වැඩියෙන් 400V ආදී ලෙස යොදා ඇත.මෙයට හේතුව දැන් ඔබට වැටහෙනවා ඇත.

තවත් කොටසක් පසුව....

තෙරුවන් සරණයි.....

වැඩි විස්තර »

ප්‍රත්‍යාවර්ථ ධාරාව/වෝල්ටීයතාව සහ සරල ධාරාව/වෝල්ටීයතාව(Alternating Current/Voltage and Direct Current/Voltage)

හොඳයි...මම මුලින්ම ධාරාව සහ වෝල්ටීයතාවය යන සංකල්ප හඳුන්වා දුන්නා.දැන් බලමු ඒ වෝල්ටීයතාවය සහ ධාරාවේ ආකාර දෙකක් වන ප්‍රතයාවර්ථ සහ සරල යන ආකාර ගැන.

අපි දන්නවා සම්මත ධාරාව + සිට - දක්වා ගලන බව.ඉලෙක්ට්‍රොන ප්‍රවාහය ඊට ප්‍රතිවිරුද්ධ දිශාවට ගලන බව.දැන් ඔබ වෙළඳපොළෙන් ගන්නා බැටරියක මෙසේ + සහ - ලෙස සලකුණු කර තිබෙනවා.ඒ අනුව අපිට ඒ බැටරිය මගින් ධාරාව නියමිත දිශාවට ගලන බව පෙනීයනවා.

බැටරියේ ශක්තිය කාලය සමග අඩු නොවන බව උපකල්පනය කලොත්,අපිට එහිදී ගලන ධාරාව කාලය සමග මෙසේ ප්‍රස්තාර ගතකල හැකියි.ඔසිලස්කොපයක(දොලනේක්ෂය) අධාරයෙන් මෙලෙස ලබාගත හැකිය.

කාලයත් සමග අඩු වැඩි නොවන සරල ධාරාවක්/වෝල්ටීයතාවක්

මෙහිදී කාලය සමග ධාරාවේ හෝ වොල්ටියතාවේ අගය අඩු වැඩි වීමක් හෝ දිශාව වෙනස් වීමක් සිදුවී නැත.

මෙවැනි සරලා ධාරා වියලි කෝෂ,සුර්ය කෝෂ,සරල ධාරා ඩයිනමෝ වැනි විද්‍යුත් ප්‍රභව වලින් ලබාගත හැකිය.

කෙසේ වුවත්,මෙම උදාහරණ වලදී කාලයත් සමග ධාරාවේ දිශාව වෙනස් වී නැත.

කාලයත් සමග ඉලෙක්ට්‍රොන ගලායාමේ දිශාව වෙනස්වන ධාරාවකට අපි ප්‍රතයාවර්ත ධාරාවක්/වෝල්ටීයතාවක් යැයි කියනුලබයි.එමෙන්ම මේවායේදී අනිවාර්යයෙන් ධාරාවේ/වොල්ටියතාවේ විශාලත්වයද වෙනස් වේ.

ඔසිලස්කොපයක(දොලනේක්ෂය) අධාරයෙන් මෙලෙස ලබාගත හැකිය.

එකිනෙකට වෙනස් ප්‍රත්‍යාවර්ථ තරංගයන් දෙකක්

AC වල දර්ශීය ආකාර

මෙම සියලු තරංග සටහන් වල X අක්ෂය කාලය වේ.Y අක්ෂය වොටියතාව හෝ ධාරාව වේ.

මෙවැනි ප්‍රත්‍යාවර්ථ ධාරාවක් අපට අපගේ නිවසට ලබාදෙන විදුලි සැපයුමෙන් ලැබෙයි.එමෙන්ම AC ඩයිනමෝ වැනි ප්‍රභව වලින් ලබාගත හැකිය.

තවද,රේඩියෝ තරංග සම්ප්‍රේෂණය සහ අධානය කිරීමේදී පරිපථ වල ඇතිවනුයේ AC තරන්ගයන් වේ.තවත් බොහෝ තැන වලදී AC තරංග හමුවේ.එනිසා AC තරංග,ඒවායේ ලක්ෂණ ගැන විශේෂයෙන් දැන සිටිය යුතුය.

වැඩි විස්තර »

මහාචාර්ය සේනක බ්බිලේ

By Chaminda Bandara in මෙඩිකල් හෙල්ප් :MEDICAL HELP(වෙදකම සහ හෙදකම) (Files) 

මුළු ලෝකයම ප්‍රශ්න මාලාවකට ඇදගෙන යාමට තරම් භයානක ජාවාරම් තුනක් ලෝකයම වෙලාගෙන ඇත. අවි ආයුධ, මත්ද්‍රව්‍ය හා ඖෂධ මේ ජාවාරම් තුනයි. මේවා විටෙක මානුෂීය මුහුණුවරකින් වාගේම ත්‍රස්තවාදී මුහුණුවරකින්ද අප හමුවේ පෙනී සිටියි. අනෙක් ඒවා කෙසේ වෙතත් මිනිසකු සුවපත් කරන ඖෂධ ජාවාරමක් ලෙස ඇත්තටම පවතිනවාද යන්න ගැන විටෙක ඔබ සැක සිතනවාද විය හැකිය. පෙර සඳහන් කරන ලද ජාවාරම් අතුරෙන් භයානකම ජාවාරම එයයි. තම ජාවාරමට එරෙහි වන හා එහි සැබෑ තතු ලෝකයට හෙළිකරන්නට උත්සාහ දරන අයකු ලෝකයේ කොහේ සිටියත් අභිරස් ලෙස මරා දමන්නට තරම් එම ජාවාරම් කරුවන් බිහිසුනුය. මහාචාර්ය සේනක බිබිලේ එසේ මෙම ජාවාරම්කරුවන් බිලිගත් වටිනා මනුෂ්‍යයෙකි. 

රදලයකු වූ විප්ලවවාදී අදහස් දරන්නකු ලෙස ප්‍රකට චාල්ස් විලියම් බිබිලේ තම අදහස් නිසාම පහතරටින් විවාහයක් කරගත්තේය. ඇය සිල්වියා ජයවර්ධනයි. මේ යුවලට දාව 1920 වර්ෂයේ පෙබරවාරි මස 13 වැනිදා අහංගම කතළුවේදී මෙලොව එළිය දුටු සේනක විලියම් බිබිලේ ද පවතින සමාජ ක්‍රමය වෙනස්ම ආකාරයකින් දකින්නට හුරුපුරුදු විය. ඒ පවුලෙන් ලැබුණ ආභාෂය නිසාවෙනි. මෙයට අමතරව බිබිල බෝධිරුක්ඛාරාමාධිපති ටැංගොඩ නායක හාමුදුරුවන්ගෙන් ලද ගුරුහරුකම් ද ඔහුගේ ඉදිරි ගමනට බොහෝදුරට ඉවහල් විය. බදුල්ල විද්‍යාලයකින් මූලික අධ්‍යාපනය හැදෑරූ ඔහු වැඩිදුර අධ්‍යාපනය සඳහා මහනුවර ත්‍රිත්ව විද්‍යාලයට ඇතුල්වූ අතර උසස්ම ප්‍රතිඵල සමඟ වෛද්‍ය විද්‍යාලයට ඇතුල් විය. 

වෛද්‍ය අංශයෙන් හා ශෛල්‍ය වෛද්‍ය අංශයෙන් රන් පදක්කම් ලබමින් ඔහු සාර්ථක අධ්‍යාපන කටයුතු අවසන් කරන ලද අතර 1949 වර්ෂයේ දී එංගලන්තයේ එඩින්බරෝ විශ්වවිද්‍යාලයට ඇතුළු වූයේ උසස් අධ්‍යාපනය ලැබීම සඳහාය. එහිදී මහාචාර්ය වාන්හෙඩ් සමඟ එක්ව හෝමෝන කාණ්ඩයක් පිළිබඳ කරන ලද පර්යේෂණයක් නිසා වෛද්‍ය ක්ෂේත්‍රයේ කීර්තිමත් පුද්ගලයකු වීමට ඔහුට හැකි විය. ඉන් ආචාර්ය උපාධිය ලබා ශ්‍රී ලංකාවට පැමිණ 1954 වර්ෂයේ දී වෛද්‍ය විද්‍යාලයේ ආරම්භ වූ ඖෂධවේදය පිළිබඳ අධ්‍යාපන අංශයේ ප්‍රධානිය ලෙස සේවය කිරීමට ඔහුට අවස්ථාව උදාවිය. 

මේ සේවය කරන අතර ඖෂධ ප්‍රතිපත්තියක් සැකසීමද ඔහු විසින් ආරම්භ කරන ලද අතර කොමියුනිස්ට් මත ධාරියකු වූ ඔහුගේ අදහස වූයේ පවතින පාලන ක්‍රමය තුළ මෙය කළ නොහැකි බවයි. 1970 වර්ෂයේදී බලයට පැමිණි සමගි පෙරමුණ රජය මගින් ඔහුටත් දොස්තර එස්. ඒ. වික්‍රමසිංහ මහතාටත් ජාතික ඖෂධ ප්‍රතිපත්තියක් සැකසීම බාර කරන ලදී. 

1971 වර්ෂයේදී මාර්තු මස 23 වැනිදා වාර්තාව එවකට අගමැතිනියව සිටි සිරිමාවෝ බණ්ඩාරනායක මැතිනියට බාර කරන ලදී. එය ක්‍රියාවට නැගීමේ අරමුණෙන් රාජ්‍ය ඖෂධ නීතිගත සංස්ථාව යන සංකල්පයද ලෝකයට හඳුන්වා දෙමින් එහි මුල්ම සභාපති ලෙසද පත්වෙමින් 1971 වර්ෂයේ සැප්තැම්බර් මස 21 වැනිදා ඔහුව එම තනතුරට පත් කරන ලදී. ඒ අනුව වසර තුනක් තුළ හොඳ තත්ත්වයේ ඖෂධ ලබා දෙමින් කෝටි එකොලහක විදේශ විනිමයක් රටට ඉතිරි කර දීමටත් ඔහු සමත් විය. 

1975 වර්ෂයේදී සමගි පෙරමුණු රජයෙන් ලංකා සමසමාජ පක්ෂය ඉවත් වුණු අතර සේනක බිබිලේද තම තනතුරෙන් ඒ අනුව ඉවත් විය. පවතින රජයක් තුළින් ප්‍රගතිශීලින් ඉවත් කිරීමට තරම් බලවත් කමක් ඖෂධ සමාගම් සතු බවට මෙය උදාහරණයක් ලෙස දැකිවිය හැකිය. තම වගකීම අත්නොහැරි ඔහු 1976 වර්ෂයේදී නොබැඳී ජාතීන්ගේ සමුළුවේදී ලෝකයේම අවධානයට මෙය යොමු කිරීමට සමත් විය. ඒ අනුව 1977 වර්ෂයේදී අපේ‍්‍රල් මස 24 වනදා ඈන්ක්ටෑඩ් සංවිධානයේ ජ්‍යෙෂ්ඨ ඖෂධ ප්‍රතිපත්ති විශේෂඥයා ලෙස ජිනීවා නගරයේදී ඔහුගේ සේවය අරඹන ලදී. මේ පුවත කණවැකුණු ඔහුගේ මිතුරකු වන ආචාර්ය පීටර් බ්‍රයන් ඖෂධ සමාගම් ඔබව ලුහුබඳින නිසා ප්‍රවේසම් වන ලෙසද අනතුරු ඇඟවූ අතර සේනක බිබිලේගේ පිළිතුර වූයේ ජනතාව වෙනුවෙන් සේවය කිරීම නිසා මිය ගියහොත් ඒ මරණය ශ්‍රේෂ්ඨ වන බවයි. 

මෙම තනතුර ලැබීමෙන් පසු ඔහුට අපි‍්‍රකානු රටවල දූපත්වල වෙසෙන ජනතාව සඳහා ඖෂධ ප්‍රතිපත්තියක් සැකසීම බාර කරන ලදී. තොරතුරු ලබා ගැනීම සඳහා ඔහු ට්‍රිනිඩෑඩ්, ජැමෙයිකා, ඇන්ටිගා වැනි දූපත්වල සංචාරය කරන ලද අතර 1977 වර්ෂයේ සැප්තැම්බර් මස 26 වැනිදා ගයානාවට පැමිණ 29 වනදාට වාර්තාව ඉදිරිපත් කිරීමට නියමිත බැවින් තම වාර්තාවද පිරිස සමඟ සාකච්ඡාකිරීමෙන් පසු එදින රාත්‍රියේ ඔහු නින්දට ගියේය. පසුදින ඔහුගේ සිරුර ගයනා රෝහලේ ඇඳක් මත විය. මරණයට හේතුව හෘදයාබාධයක් බවට වාර්තා නිකුත් විය. පසුව ඔහුගේ බිරිය ඇතුළු තුන්දෙනෙකුගේ සහබාගිත්වයෙන් ගයනාවේ වෙරළකදී ඔහුගේ සිරුර ආදාහනය කරන ලදී. 

මූළු ලෝකයේම ජනයාව වෙලාගෙන ඇති ඖෂධ මාෆියාවෙන් ගලවා ගැනීමට සටන් කළ මහාචාර්ය සේනක බිබිලේගේ මරණය අදටත් අභිරහසකි. ඔහුව මරාදැමුවද ඔහු ඉදිරිපත් කරන ලද දෙය විනාශ කිරීමට නොහැකි විය. මේ වනවිට ලෝකයේ රටවල් 26ක පමණ ඔහුගේ ප්‍රතිපත්තිය ක්‍රියාත්මක කර ඇති අතර රටවල් සියයකට අධික ප්‍රමාණයක් මෙය ප්‍රතිපත්තියක් ලෙස පිළිගෙන තිබෙන අතර ඖෂධ ප්‍රතිපත්තියක් වෙනුවෙන් ක්‍රියාකරන අයව අදටත් ඒ ඒ රටවල හඳුන්වන්නේ තම රටේ සේනක බිබිලේ යනුවෙනුයි. 

“ශ්‍රී ලංකාව කඳු මුදුනකි. සේනක බිබිලේ එහි බැබලෙන පහනකි. අපි ඒ පහනේ එළියෙන් අපේ රටවල ඖෂධ ප්‍රතිපත්ති හදා ගත්තෙමු” 1993 වර්ෂයේදී ශ්‍රී ලංකාවට පැමිණි ඕස්ට්‍රේලියාවේ ජාතික ඖෂධ ප්‍රතිපත්ති මණ්ඩලයේ ප්‍රධානි දොස්තර හාටි මහතා එසේ ප්‍රකාශයක් කරන ලදී. 

වැඩි විස්තර »